ՀՀ ոստիկանության պետ Ալիկ Սարգսյանին եւ ՀՀ անվտանգության խորհրդի քարտուղար Արթուր Բաղդասարյանին է դիմել Գյումրի քաղաքի Երեւանյան խճուղու 143ա, 45 հասցեատերը՝ Անահիտ Սանոսյանը: «Մեծարգո նախարար եւ ԱԽ քարտուղար, Սանոսյանների 13 անձից բաղկացած բազմանդամ ընտանիքն իր խորին շնորհակալությունն է հայտնում Ձեզ: Ձեր անմիջական միջամտության շնորհիվ իմ ամուսինը՝ Ռազմիկ Ռաֆիկի Սանոսյանը, վերականգնվել է իր նախկին աշխատանքում»,- ասվում է նամակում:
