![\"\"](\"https://www.aravot.am/2011/aravot_arm/March/30/p18.jpg\")
Կյանքի 72-րդ տարում մահկանացուն կնքեց ծննդով արցախցի, սամբոյի՝ Ուկրաինայի վաստակավոր մարզիչ, ԽՍՀՄ սպորտի վարպետ,
միջազգային կարգի մրցավար, Ուկրաինայի սամբոյի հավաքականի ավագ մարզիչ Ռոբերտ Սամվելի Բաբայանցը: Մարդ, որն իր ողջ գիտակցական կյանքը նվիրաբերել է մարզաշխարհին՝ պատրաստելով ԽՍՀՄ, Եվրոպայի եւ աշխարհի բազմակի չեմպիոններ եւ մրցանակակիրներ, գործնական եւ խորհրդատվական աջակցություն է ցուցաբերել Հայաստանում սամբոյի զարգացման գործին:
Ռոբերտ Բաբայանցը բարեկամական ջերմ կապեր ուներ թե Հայաստանում եւ թե Արցախում: Ամենուր նրա անունը հարգանքով ու հպարտությամբ էր հնչում մարզաշխարհում: Ընդ որում, այդ հարգանքը նա վայելում էր ոչ միայն Խորհրդային Միությունում, այլեւ նրա սահմաններից դուրս: Անվանի մարդն ու քաղաքացին եւ մարզիչը անչափ հարգված ու սիրված էր հարազատների, գործընկեր-բարեկամների, ծանոթների շրջանում: Այդ է, անշուշտ, պատճառը, որ բոլորը խորապես վշտացած են Ռոբերտ Բաբայանցի անժամանակ մահով եւ ի խորոց սրտի ցավակցում են նրա հարազատներին, գործընկերներին, Ուկրաինայի սամբոյի ֆեդերացիային:
Ռոբերտ Բաբայանցի պայծառ հիշատակը միշտ վառ կմնա հարազատների, նրա սաների եւ մարզաշխարհի նրա գործընկերների սրտերում: