Ալբենայում (Բուլղարիա) շարունակվում է շախմատի միջազգային մրցաշարը, որին մասնակցող հայազգի շախմատիստներից առավել հաջող հանդես են գալիս հայաստանցիները: Հինգ տուրից հետո մեր հանրապետության առաջատար գրոսմայստերներից մեկը՝ Ավետիք Գրիգորյանը կորցրել է ընդամենը կես միավոր եւ բաժանում է 2-9-րդ հորիզոնականները: Նա կես միավոր է զիջում հարյուր տոկոսանոց արդյունք ցույց տված իսրայելցի Մաքսիմ Ռոդշտեյնին: Մեր երկրորդ ներկայացուցիչը՝ Տիգրան Սիմոնյանը, 4,0 միավորով 24-րդն է: Բուլղարիայի դրոշի ներքո հանդես եկող Վալենտին Փամբուկչյանը 62-րդ հորիզոնականում է՝ 3,0 միավորով:
