NEW
Կիրակի՝ հոկտեմբերի 16-ին Նոյեմբերյան քաղաքում օծվեց Սուրբ Աննա եկեղեցին: Եկեղեցու օծումը կատարեցին Եզնիկ արքեպիսկոպոս Պետրոսյանը, Հայ առաքելական եկեղեցու Գուգարաց թեմի առաջնորդական տեղապահ տեր Թորգոմ վարդապետ Տոնիկյանը, Նոյեմբերյանի տարածաշրջանի հոգեւոր հովիվ տեր Հրայր քահանա Բեջանյանը:
Եկեղեցին կառուցել է Վոլգոգրադում բնակվող նոյեմբերյանցի գործարար Սեդրակ Մամյանը` ի հիշատակ ավտովթարից զոհված իր դստեր` Սուսաննայի: Սուրբ Աննան Նոյեմբերյանի քաղաքային գերեզմանատան հարեւանությամբ է, այն կառուցել են ոսկեվանցի վարպետ-շինարարները: Եկեղեցու օծումից հետո հարեւանությամբ բացվել էր մատաղի սեղան: