Երեկվանից ՀՀԿ կենտրոնական գրասենյակի վրա հայտնվել է ՀՀԿ նախընտրական կենտրոնական շտաբի ցուցապաստառը։ ՀՀԿ նախընտրական շտաբի մասին «ավետող» ցուցապաստառներ են հայտնվել նաեւ ՀՀԿ տարբեր գրասենյակների վրա։ ԿԸՀ անդամ Տաթեւ Օհանյանը, սակայն, «Ժողովուրդ»-ի հետ զրույցում պնդեց, որ այդ ամենն օրենքի խախտում չէ: «ԸՕ–ն սահմանում է, թե նախընտրական շտաբների վրա փակցված որ ցուցապաստառներն են համարվում քարոզչական նյութ, որոնք՝ ոչ։ Եվ ԸՕ 18 հոդվածում նշված է, որ նախընտրական քարոզչական նյութեր չեն կարող համարվել այն պաստառները, որոնք կուսակցությունների կամ կուսակցությունների դաշինքներին կողմ քվեարկելու ուղղակի կոչեր չեն պարունակում։ Այժմ փակցված նյութերը չեն համարվում քարոզչական պաստառներ»,-ասաց նա։
«Ժողովուրդ»
