Դատարանը չի կարողանում բերման ենթարկել ՀԱԿ ակտիվիստների դեմ հարուցված քրեական գործով վկաներին:
Ըստ երիտասարդների պաշտպանի՝ պատճառն այն է, որ այդ վկանների նախաքննական ցուցմունքները չեն համապատասխանում իրականությանը:
Խոսքը երկու վկաների մասին է: Այսօրվա դատավարության ընթացքում հայտարարվեց, որ վկա Ավետիս Ամիրջանյանը բացակայում էր հանրապետությունից, իսկ Հայկ Մաթեւոսյանը՝ Երեւանից։
«Այդ վկան, ականատես վկա էր, ուներ միջադեպին հարակից տարածքում տեղադրված կրպակ, որտեղ եղել է դեպքի պահին, տեսել է այն ամենը, ինչ կատարվել է»,- այսօր «Ա1+»-ին հայտնեց ակտիվիստների պաշտպան Ստեփան Ոսկանյանը։
Կարդացեք նաև
Ամբաստանյալի աթոռին հայտնված ՀԱԿ ակտիվիստների պաշտպանը չի բացառվում, որ այդ վկան դատարանում բոլորովին այլ ցուցմունքներ կտար։
«Մեղադրանքի կողմը շահագրգռված չի եղել, որ այդ վկաները ցուցմունք տային եւ վկան էլ միտումնավոր խուսափել է դատարանից»,- նշեց նա։
Նախաքննության ընթացքում վկա Հայկ Մաթեւոսյանի ցուցմունքը քննիչի ձեռագրով է:
Մանրամասն՝ կարդացեք այստեղ
