«Հանրապետություն» կուսակցության անդամ, մանկավարժ Սվետլանա Մաթեւոսյանն անդրադառնալով այսօր Aravot.am կայքում ՀԱԿ անդամ Գայանե Առուստամյանի Արամ Սարգսյանին` «Եթե դու փոքր երեխայի նման խռովում- դուրս ես գալիս, դու այդքան հասուն չես» եւ Տեր-Պետրոսյանն «Այկիդո» է արել ԲՀԿ-ին, Ծառուկյանին էլ թույլ տվել թագավոր լինել» հրապարակումներին՝ ասաց. «Խորհուրդներ եւ գնահատականներ տալու, առավել եւս՝ քաղաքական վերլուծություններ անելու եւ Արամ Սարգսյանի քաղաքական քայլերը հասկանալու համար Գայանե Առուստամյանը դեռ տասնյակ տարիներ ունի, եթե, իհարկե, այդ ընթացքում կարողանա հասունանալ, այկիդոն տարբերել քաղաքականությունից եւ դառնալ քաղաքական գործիչ:
Իսկ մինչ այդ, խորհուրդ կտայի ինչպես Գայանե Առուստամյանին, այնպես եւ մի շարք այլ բանախոսների՝ իրենց գնահատականներում չանցնել քաղաքական կոռեկտության սահմանները եւ առաջնորդվել ՀԱԿ առաջնորդի խոսքերով այն է` ժամանակը ցույց կտա թե ով է սխալ եւ ով ճիշտ»:
