ՀՀ կառավարությունը կարևոր քայլ կատարեց բիզնես միջավայրի բարելավման ուղղությամբ՝ հավանություն տալով Քրեական օրենսգրքի փոփոխությանը։
Առաջարկվող փոփոխությամբ՝ 290-րդ հոդվածով սահմանված «խոշոր չափը» 10 մլն դրամից բարձրացվում է՝ մինչև 30 մլն դրամ մեկ հարկային տարվա ընթացքում, կամ 45 մլն դրամ՝ երկու հաջորդական հարկային տարիների համար։
Այս ամենի հետ մեկտեղ՝ Պետական եկամուտների կոմիտեում խոսվում է ավելի «մարդակենտրոն» մոտեցման մասին, որի շրջանակում՝
որոշ դեպքերում նախքան պատժամիջոց կիրառելը կարող է իրականացվել պարզաբանում / հաղորդակցություն բիզնեսի հետ
Կարդացեք նաև
և արդեն տուգանքից հետո՝ հետադարձ կապ, հավաքում բիզնեսից
Սա երկար ժամանակ բարձրաձայնվող խնդրի մասամբ լուծումն է։
«Մանթաշյանց» գործարարների ակումբը ողջունում է այս որոշումը՝ որպես պետություն–բիզնես համագործակցության արդյունք։ Այս փոփոխությունը չէր կարող իրականություն դառնալ առանց գործարար համայնքի հետևողական բարձրաձայնումների և կառուցողական երկխոսության պետական մարմինների հետ։
Մասնավորապես, բազմաթիվ քննարկումներ են տեղի ունեցել ԱԺ տնտեսական հարցերի մշտական հանձնաժողովի նախագահի, ինչպես նաև գործադիր իշխանության ներկայացուցիչների հետ, որոնց արդյունքում արձանագրվեց առաջընթաց։
Այնուամենայնիվ, սա դեռ վերջնական լուծում չէ։
Գործող մոտեցմամբ՝ խոշոր չափը սահմանվում է միայն ֆիքսված գումարով, ինչը ոչ միշտ է արտացոլում բիզնեսի իրական չափերն ու ռիսկերը։ Օրինակ՝ միլիարդավոր շրջանառություն ունեցող ընկերության համար 30 մլն դրամը չի կարող համարժեք հիմք հանդիսանալ քրեական պատասխանատվության համար։
Կարծում ենք, որ ավելի արդար և արդյունավետ համակարգի համար անհրաժեշտ է, որպեսզի «խոշոր» կամ «առանձնապես խոշոր» չափերը սահմանվեն ոչ միայն գումարային շեմով, այլ նաև՝ տնտեսվարողի շրջանառության և հաշվարկված հարկերի համադրությամբ։
Սա կնպաստի՝
ավելի թափանցիկ և կանխատեսելի միջավայրի ձևավորմանը
վարչարարության արդարացմանը
խոշոր ներդրումների խթանմանը Հայաստանում
Հիմա կարևոր է շարունակել նույն տեմպով և հասնել համակարգային, խորքային փոփոխությունների։
«Մանթաշյանց» գործարարների ակումբ
