Այսօր «Ազատություն» կուսակցության համագումարում նախագահ առաջադրվելու համար քվեարկություն եղավ երեք թեկնածուների օգտին՝ Հրանտ Բագրատյանի, Արշակ Ավագյանի եւ Ստեփան Բադալյանի:
«Ազատ դեմոկրատների» անդամ Ալեքսանդր Արզումանյանը, որը հյուր էր, ելույթ ունեցավ: Նա շնորհավորեց պարոն Բագրատյանին՝ կուսակցության ինքնուրույնությունը պահպանելու համար. «Մենք միասին պայքարեցինք տարբեր հանգրվաններում: Կուսակցությունը կարողացավ հավատարիմ մնալ իր կուսակցական ծրագրին, արժեքներին: Կարեւորում ենք, որ համագումարը գումարվել է նախընտրական փուլում: Մասնակցության ձեւի եւ որակի մասին կհայտարարվի: Թույլ տվեք հույս հայտնել, որ կուսակցությունը կդավանի այն սեկտորը հասարակության, որը դավանում է համամարդկային արժեքներին: «Հանրապետություն» կուսակցության նախագահ Արամ Սարգսյանն էլ ասաց. «Ուզում եմ, որ նպատակները, ցանկությունները, որ կուսակցությունը դրել է այսօր իր առաջ՝ իրականանա: Բագրատյանը երկրի ազատականացման գործում լուրջ լումա է ունեցել: Նա քաղաքական դաշտում պատահական մարդ չի, մասնակցել է այս երկրում բոլոր քաղաքական լուրջ գործընթացներին, զբաղեցրել է լուրջ պաշտոններ, այսօր կարող է հայտ ներկայացնել»:
«Ազատություն» կուսակցությունը հայտարարեց Հրանտ Բագրատյանի թեկնածությունն առաջադրելու մասին:
Համագումարին ներկա էին նաեւ Խաչատուր Քոքոբելյանը, Պետրոս Մակեյանը, Սասուն Միքայելյանը: Նրանց մեկնաբանությունները կներկայացնենք շուտով:
Կարդացեք նաև
Հռիփսիմե ՋԵԲԵՋՅԱՆ
