2011թ. Հայաստանի դատարանների կողմից կայացվել է 4254 դատավճիռ՝ արդարացվել է 77 անձ, ինչն ընդհանուր դատավճիռների թվում կազմել է 1,8 տոկոս:
Ինչպես «Փաստինֆո»-ի թղթակցին հայտնեց Դատական դեպարտամենտի Միջազգային համագործակցության և հասարակայնության հետ կապերի ծառայության պետ Արսեն Բաբայանը, 23-ը կամ 0,54 տոկոսը եղել են մասնակի, իսկ 54-ը կամ 1,3 տոկոսը՝ լրիվ արդարացման դատավճիռներ:
2010թ. կայացված 4437 դատավճիռներից 56 անձի նկատմամբ կայացվել են արդարացման դատավճիռներ, դրանք դատավճիռների ընդհանուր թվում կազմել են 1,3 տոկոս: Դրանցից 21-ը կամ 0,47 տոկոսը եղել են մասնակի, իսկ 35-ը կամ 0,8 տոկոսը լրիվ արդարացման դատավճիռներ:
Ըստ «Փաստինֆո»-ի ուսումնասիրությունների 2012թ. արդարացման դատավճիռները կազմել են մոտ 80: Այսինքն, այդքան գործով կայացվել են արդարացման դատավճիռներ, որոնց հիմքերին ու հետևանքներին «Փաստինֆո»-ն պարբերաբար կանդրադառնա:
