«Ջազ ջուրնալ» հանդեսն անդրադառնալով այս տարվա Ստամբուլի ջազային փառատոնին, որը 1994թ. սկսած անցկացվում է ամեն տարի հուլիսի առաջին կեսին, գրում է նաև սիրիահայ երգչուհի Լենա Շամամյանի ելույթի մասին:
Հուլիսի 18-ին Յըլդըզ պալատում տեղի ունեցած համերգը հանդեսն այսպես է նկարագրում`այս սիրիահայ երգչուհու համերգը, որի ընտանիքը 1915թ. փախել էր Թուրքիայից, լցրել էր պատմական մթնոլորտով, որը ստիպում էր հիշել Օսմանյան կայսրության խայտառակ էջերը: Նա անմոռանալի վարքով մի երգ նվիրեց հայ լրագրող Հրանտ Դինքին, որին սպանել են 2007թ., ինչպես նաև Գեզի զբոսայգու ցուցարարներին և ևս մեկ երգ` Դամասկոսին ու Հալեպին:
Այս քաղցրադառը համերգում, ինչպես գրում է հանդեսը, Շամամյանը հանդես էր գալիս դաշնակահար Թուլուղ Թըրփանի, քանոնահար Գյոքսել Բաքթագիրի
և Թուրքիայի լավագույն թավջութակահարներից մեկի` Ուզեր Արքունի հետ:
Պատրաստեց Հովհաննես ԻՇԽԱՆՅԱՆԸ
Կարդացեք նաև