Այսօր «Իրատես դե ֆակտո» ակումբում քաղաքական գործիչ Երջանիկ Աբգարյանը խոսեց Հայաստանի քաղաքական շահերի, Եվրոպական միության, Մաքսային միության եւ այլ հարցերի շուրջ:
Երջանիկ Աբգարյանը գտնում է, որ Մաքսային միություն, թե ԵՄ, ընտրելով Մաքսային միությունը, փաստորեն, ստացվում է, որ չորս տարի իշխանությունը զբաղված էր ԵՄ-ի հետ բանակցելով. «Անձնական հարցեր լուծելու համար իշխանությունը մտավ Մաքսային միություն: Մարտի մեկի, հոկտեմբերի 27-ի գործողությունները կատարողները չեն բացահայտվել եւ չենք պարզել` ինչ շահ կար նման բան անելու համար: Ես չեմ հավատում, որ Սերժ Սարգսյանին ճնշել են: Ի՞նչի համար ճնշել մեկին, եթե նա իրեն համարում է ՌԴ-ի մարդ, ընդունում ՌԴ-ի հատուկ ծառայությունների մեդալը: Սերժ Սարգսյանը չի ստում, երբ ասում է, որ իրեն չեն ճնշել»:
Երջանիկ Աբգարյանի խոսքով` «Մաքսային միությունն իրականում չի ստեղծվել: Մենք գործ ունենք քաղաքական գործոնի հետ` ամեն կերպ Հայաստանը ենթարկեցնել ՌԴ-ին: Ասել Մաքսային միությունն է լավը, թե ԵՄ-ն, դժվար է: Սակայն ԵՄ համաձայնագրում խոսվում էր անվտանգության մասին: ՌԴ-ն մեր անվտանգության երաշխիքները չի մեծացնում: Ինչպիսին է մեր անվտանգությունը, այնպիսին էլ այն կլինի վաղը: Սերժ Սարգսյանն ու Ռոբերտ Քոչարյանը օրենքներ չկատարողներ են: Գաղափարական մասն այս իշխանություններն ընդունում է ԵՄ-ին, բայց ռեալ մասը` ոչ: Ես կարծում եմ`Վիլնյուսում ԵՄ համաձայնագիրը չի ստորագրվելու»:
Եվա ՀԱԿՈԲՅԱՆ
