Կարսի 7-րդ դարի Մրենի հայկական տաճարը ներառվել է «Հուշարձանների համաշխարհային հիմնադրամի» վտանգված հուշարձանների 2014թ. ցուցակի մեջ: Հայտնում է «Ասպարեզ» թերթը:
Մրեն Տաճարը գտնվում է Հայաստանի սահմանից ոչ հեռու նույնանուն պատմական քաղաքում՝ Ախուրյան գետից մոտ 1,5կմ դեպի արևմուտք:
2014թ. վտանգված հուշարձանների ցուցակում 41 երկրներից ներառվել են 67 կոթողներ, որոնք թվագրված են հնագույն ժամանակներից մինչև 20-րդ դարը:
2014թ. ցուցակում ընդգրկված են այն կոթողները, որոնք հակամարտությունների, աղետների, ռեսուրսների բացակայության, զարգացման խոչընդոտների (քաղաքային, գյուղական, զբոսաշրջության) և մշակութային ավանդույթների կորստի պատճառով կանգնած են պահպանման խնդիրների առջև:
Կարդացեք նաև
Ցուցակը միջազգային հանրությանը ուշադրություն է հրավիրում ավերման եզրին կանգնած կոթողների վրա և կոչ է անում քայլեր ձեռնարկել դրանք պահպանելու համար:
Պատրաստեց Հովհաննես ԻՇԽԱՆՅԱՆԸ
