2 օր առաջ լրագրողների հետ հանդիպման ժամանակ Շիրակի մարզպետ Ֆելիքս Ցոլակյանը պատասխանելով այն հարցին, թե ինչու են հայերը արտագաղթում երկրից, կարծիք հայտնեց, որ պատճառը բնավ սոցիալական չէ, հայերը երկրագնդի տարբեր կետերում են հայտնվել բոլոր դարերում`11, 17-րդ, ուղղակի վերջիններս ռիսկով են, բացարձակապես չեն վախենում այլ վայրերում դրսևորվելուց և մեջբերեց հետաքրքիր մի օրինակ մարտունեցի մի կնոջ պրակտիկայից: Տիկինը, ամուսնանալով չինացու հետ ու շատ արագ տիրապետելով չինարենին, կարճ ժամանակում դարձել է ամուսնու ծննդավայրի գյուղապետը: Ըստ մարզպետի, այդ տեղանքը 3 միլիոն բնակչություն ունի:
Լրագրողներից մեկը, լսելով այս պատմությունը, այսպես արձագանքեց. «Փաստորեն մարտունեցի կինը Չինաստանում Սերժ Սարգսյանի կարգավիճակն ունի, Չինաստանի Սերժ Սարգսյանն է»:
Մարզպետարանում թեև մեծ պարծանքով էին խոսում մարտունեցի կնոջ մասին, սակայն նրա անուն-ազգանունը, ինչպես նաև Չինաստանի տվյալ տեղանքի անունը չէին հիշում: Միայն հայտնի է, որ այդ կինը առևտրական է, ակտիվ առևտուր է արել Չինաստանից, վերջում էլ մտափոխվել ու հաստատվելով Չինաստանում`գյուղապետ է դարձել: Իսկ թե չինական որ գյուղի ղեկավարն է մեր հայ կինը, կփորձենք ճշտել առաջիկայում:
Նունե ԱՐԵՎՇԱՏՅԱՆ
Ցոլակյան դու մի քիչ Գյումրիից դուրս արի, դառել ես Գյումրու քաղաքապետը, սաղ օրը քաղաքից ես խոսում: Քո գործը գյուղերն է, արի գյուղերը զարգացրու
Էդ կինը արթունեցի չի առաջին հերթին, եւ հետո ունի զույգ աղջիկներ, ես իրա բարեկամներին ճանաչում եմ: