Սիրիայում շարունակվում են շրջափակման մեջ գտնվող Հոմս քաղաքի խաղաղ բնակչությանը մարդասիրական օգնություն առաքելուն ուղղված աշխատանքները
ՄԱԿ-ի և Արաբական պետությունների լիգայի խաղաղության հանձնակատար Լախդար Բրահիմին երեքշաբթի օրը համատեղ բանակցություններ է անցկացնում Սիրիայի կառավարության և երկրի նախագահ Բաշար ալ-Ասադի դեմ պայքար մղող ապստամբների միջև:
Ժնևում Սիրիայի հարցի շուրջ անցկացվող բանակցությունների նոր փուլի երկրորդ օրը Լախդար Բրահիմին ջանքեր է գործադրում, որպեսզի կողմերը բանակցային եղանակով հասնեն Սիրիայում արդեն երեք տարի շարունակվող հակամարտությանը վերջ դնելու և ժամանակավոր կառավարություն ստեղծելու համաձայնության:
Բրահիմին նախօրեին առանձին հանդիպումներ էր անցկացրել Սիրիայում հակամարտող կողմերի հետ:
Այս ընթացքում Սիրիայում շարունակվում են շրջափակման մեջ գտնվող Հոմս քաղաքի խաղաղ բնակչությանը մարդասիրական օգնություն առաքելուն ուղղված աշխատանքները:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
