Դատապարտյալը դիմել է հանրապետության նախագահին
Պարոն նախագահ, ես չեմ կարողանում դիմանալ ընտանիքիս ծանր վիճակին: Նրանց չեմ կարողանում օգնել ոչ ֆինանսապես, ոչ հոգեպես, դրա ամբողջ մեղքը Ձեր կողմից ստեղծված «անկախ» հանձնաժողովն է, որն արդեն երրորդ անգամ ինձ մերժում է պայմանական վաղաժամկետ ազատվելուց:
Միգուցե ես շատ վատն եմ, որ հանցագործություն եմ արել, եւ հայտնվել ճաղերի հետեւում: Բայց կալանքի ընթացքում ինձ դրսեւորել եմ դրական. ունեմ խրախոսանք, այս ամենն ասում է, որ ես ցանկանում եմ վերադառնալ նորմալ կյանքի, որի վառ ապացուցն է «Սեւան» ՔԿՀ վարչակազմի բնութագիրը:
Սակայն դա էլ չի օգնում Ձեր կողմից ստեղծված անկախ հանձնաժողովին, Ձեր հովանու ներքո կայացնել որոշում, որը նույնիսկ դատարանն է հրաժարվում ընդունել:
Պարոն նախագահ, վերջին խնդրանքս է մնացել, որ ինձ զրկեք Հայաստանի Հանրապետության քաղաքացիությունից: Ես օրացուցային պատիժս կրելուց հետո մեկնելու եմ Ռուսաստանի Դաշնություն, որտեղ երեք ամսից տրվելու է քաղաքացիություն: Աշխատելու եմ, որ իմ ընտանիքին օգեմ:
Պարոն նախագահ, խնդրում եմ մինչ իմ ազատվելը, քանի որ ՀՀ քաղաքացի եմ, իմ ընտանիքին օգնեք գոյատեւել, դուրս գալ դժվար վիճակից, քանի որ իմ ընտանիքը գոյատեւում է 20 000 դրամ նպաստով:
Կարդացեք նաև
ՍԵՐԳԵՅ ԱԲՐԱՀԱՄՅԱՆ
«Սեւան» ՔԿՀ
դատապարտյալ
«Առավոտ» օրաթերթ
