Մարտի 27-ին ՄԱԿ-ի Գլխավոր ասամբլեայում Հայաստանը դեմ քվեարկեց Ուկրաինայի հարցով բանաձեւին, որը ճանաչում է այդ երկրի տարածքային ամբողջականությունն ու անօրինական համարում Ղրիմում մարտի 16-ին անցկացված հանրաքվեն։ Այդ քվեարկությունը մեծ լարվածություն ստեղծեց Ուկրաինայում ապրող հայ համայնքի համար:
Այս առնչությամբ Aravot.am-ի հետ զրույցում Ուկրաինայում ՀՀ արտակարգ եւ լիազոր դեսպան Անդրանիկ Մանուկյանը պատմեց, թե ինչ աշխատանք է տարվել Ուկրաինայում եւ ինչպես է վերջապես հաջողվել մեղմել իրավիճակը Ուկրաինայի նոր իշխանությունների հետ հարաբերություններում:
Մեր հարցին՝ հիմա Մաքսային միություն ենք մտնում եւ Ձեր վրա բարդ պարտականություն է դրված, դա կարո՞ղ է խնդիրներ ստեղծել մեր հայրենակիցների համար՝ Անդրանիկ Մանուկյանը պատասխանեց. «Իմ ուսումնասիրությունները ցույց են տալիս, որ որեւէ խնդիր առաջիկայում չի առաջանա: Ամենավատ կիզակետն այն օրն էր, երբ Հայաստանը ՄԱԿ-ի Գլխավոր ասամբլեայում դեմ քվեարկեց: Դա, իհարկե, շատ մեծ լարվածություն ստեղծեց Ուկրաինայում: Ուկրաինական ԶԼՄ-ները գրեթե բոլորը սկսեցին հակահայկական քարոզչություն տարածել: Իհարկե, ես ամեն ինչ արեցի, որպեսզի դրա դեմն առնեմ: Դա ինձ հաջողվեց: Ուկրաինայի բոլոր լրատվամիջոցներում ես հարցազրույցներով հանդես եկա եւ բացատրություն տվեցի, թե ինչու Հայաստանը նման քայլ արեց:
Ես հանդիպել եմ ե՛ւ Ուկրաինայի ներկայիս իշխանությունների ներկայացուցիչների հետ, եւ Ուկրաինայի քաղաքական տարբեր գործիչների, մշակույթի գործիչների հետ: Մարդիկ հասկացել են, որ իրոք, Հայաստանը չէր կարող այլ կերպ վարվել, որովհետեւ 23 տարի մենք ունենք այդ խնդիրը: 23 տարի մենք ամբողջ աշխարհին ապացուցում ենք, որ ԼՂՀ-ում 1991-ին կայացած հանրաքվեն լեգիտիմ է եւ խնդրում ենք, որպեսզի աշխարհն ընդունի այդ հանրաքվեի արդյունքները: Մենք չէինք կարող ՄԱԿ-ում այդ օրն ասել, որ չէ, չենք ընդունում Ղրիմի հանրաքվեի արդյունքները: Ես դա բացատրել եմ, եւ ուկրաինացիները շատ լավ հասկացել են, եւ հիմա շատ նորմալ վիճակ է»:
Կարդացեք նաև
Պարոն Մանուկյանը նշեց, որ ինքն անձամբ արել է հնարավոր եւ անհնար ամեն ինչ՝ լարվածությունը մեղմելու համար:
Հռիփսիմե ՋԵԲԵՋՅԱՆ
Իսկ ինչու չասացիք, որ իրենք ամեն անգամ Հայաստանի դեմ են քվեարկում— հօգուտ Ադրբեջանի, բայց մենք վայնասուն չենք բարձրացնում??
Ուկրաինան Հայաստանին թշնամի երկիր դաշնակից է, ու Արցախում կռվել են ուկրաինական բանակի զինվորներ:
մյուս կողմից Հայաստանը պաշպանում են Ռուսական բանակի զինվորները
… այնպես որ , զզվելի է կարդաալ այսպիսի արդարացումենր, դեսպանի մակարդակով: