Գազի խորհրդարանական հանձնաժողովն այսուհետ կաշխատի ամենօրյա ռեժիմով: Այսօր հանձնաժողովի նիստի ավարտից հետո այդ մասին լրագրողներին տեղեկացրեց հանձնաժողովի փոխնախագահ, ԲՀԿ-ական Միքայել Մելքումյանը: Հանձնաժողովի գործունեության ժամկետը մինչեւ հունիս ամիսն է: Ամենօրյա աշխատանքային ռեժիմը հավանաբար թույլ կտա խուսափել հանձնաժողովի գործունեության ժամկետը երկարաձգելուց:
Ձայների հարաբերակցության հարցը դեռ հստակ չէ: Հանձնաժողովի նորընտիր նախագահ Վարդան Այվազյանն ասաց`դեռ քննարկում ենք: Հանձնաժողովը գործում էր հավասարը-հավասարի սկզբունքով: Այսինքն՝ հինգ կոալիցիոն ներկայացուցիչներ եւ հինգ ընդդիմադիրներ: ՕԵԿ-ի`ընդդիմություն հայտարարվելուց հետո, խնդիր է առաջանում նաեւ այս հարթությունում` հավասարակշռությունը խախտվել է:
Այսօրվա նիստում քննարկվել եւ որոշվել է նաեւ հանձնաժողովի աշխատանքներում փորձագետների ներգրավման հարցը:
Նելլի ԳՐԻԳՈՐՅԱՆ
Կարդացեք նաև
