Այս մասին մեզ հետ զրույցում ասաց Շիրակի մարզի Բենիամին գյուղի մեղվապահ Դավիթ Մովսիսյանը, որը շաբաթ օրը մասնակցում էր Գյումրու «Ստիլ» պատկերասրահում Գործարարության և զարգացման Կովկասյան ցանցի կողմից կազմակերպված «Կովկասի համն ու հոտը» խորագրով «Կովկասյան թեյ», «Կովկասյան մեղր», « Կովկասյան պանիր», «Կովկասյան փունջ» /գինի/ նոր ապրանքատեսակների ցուցադրմանը:
Գործարարը անչափ դժգոհ է պետական աջակցություն չլինելուց: Այն հարցին, թե ի՞նչ խնդիրներ ունի հայ մեղվապահը, նա պատասխանում է . «Ասացեք, ի՞նչ խնդիրներ չունի, սկսած դեղորայքից մեզ չեն տրամադրում, էլ չեմ խոսում փեթակի, սարքավորումների»:
Ըստ նրա, թեև հայկական մեղրը իրենով դեղորայք է, անցած տարի աշնանը Վրաստանում Կովկասյան տարածաշրջանի 8 երկրների մեջ ճանաչվել է լավագույնը , ընդ որում հանձնաժողովի անդամները բացառապես եղել են ադրբեջանցիներ ու թուրքեր, այդուհանդերձ Հայաստանում ամեն ջանք գործադրում են, որ հայկական մեղրը չարտահանվի դուրս: Թե ի՞նչն է պատճառը, մեղվապահը չի հասկանում, միայն գիտի, որ հայկական մեղրը դրսերում շատ մեծ պահանջարկ ունի, սակայն սպառվում է միայն տեղի շուկայում:
Վերջինս նախանձով արձանագրում է, որ թուրքական կառավարությունը հատուկ աջակցություն է ցուցաբերում իրենց մեղվապահներին:
Մանրամասները՝ տեսանյութում
Նունե ԱՐԵՎՇԱՏՅԱՆ
