Դատարանը մերժել է Սյունիքի նախկին մարզպետ Սուրիկ Խաչատրյանի առանձնատան մոտ զինված միջադեպի գործով տուժող Ավետիք Բուդաղյանի իրավահաջորդի ներկայացուցիչ Հայկ Ալումյանի բողոքը:
Փաստաբանը պահանջում էր վերացնել Սուրիկ Խաչատրյանի նկատմամբ քրեական հետապնդում չիրականացնելու մասին քննիչի որոշումը և այդ որոշման դեմ բերված բողոքը մերժելու մասին դատախազի որոշումը:
Ինչպես «Փաստինֆո»-ի թղթակցին հայտնեց Հայկ Ալումյանը, դատարանի հիմնավորումներին ծանոթանալուց հետո իրենք կբողոքարկեն դատարանի .այս որոշումը Վերաքննիչ դատարան:
Հայկ Ալումյանը բողոքում խնդրում էր նաև որոշում կայացնել դիմողներ Արտակ և Էմիլ Բուդաղյանների իրավունքների և ազատությունների խախտումները վերացնելու` վարույթն իրականացնող մարմնի պարտականության մասին:
Սուրիկ Խաչատրյանի նկատմամբ քրեական հետապնդում չիրականացնելու մասին վիճարկվող որոշումն ընդունվել է՝ «նրա արարքներում հանցակազմի բացակայության հիմքով»:
Քննիչը հաստատված է համարել, որ «Սդղի գյոլ» կոչվող տարածքից վերադառնալիս Սուրիկ Խաչատրյանի ավտոմեքենայում Ավետիք Բուդաղյանին ծեծի է ենթարկել միայն Զարզանդ Նիկողոսյանը: Մինչդեռ Հայկ Ալումյանը գտնում է, որ քրեական գործում առկա են ապացույցներ, որ ավտոմեքենայում Ավետիք Բուդաղյանը ծեծի է ենթարկվել ոչ միայն Զարզանդ Նիկողոսյանի, այլ նաև՝ Սուրիկ Խաչատրյանի կողմից:
Նյութի մանրամասները կարդացեք սկզբնաղբյուր կայքում
Այդ մարդասպանների իրական դատավճիռը շուտով…