Այս օրերին աշխարհի տարբեր երկրներում մարդիկ տեսանյութեր են պատրաստում, թե ինչպես են իրենց վրա սառույցով ջուր լցնում՝ 10 դոլար նվիրաբերելով աշխարհի ամենահարուստ երկրին՝ Ամերիկայի Միացյալ Նահանգներին:
Սառույցով դույլի մարտահրավերը կազմակերպել է ALS ընկերությունը (կողմնային ամիոտրոֆիկ սկլերոզ): Ակցիայի նպատակների շարքում ընկերությունը մատնանշում է իրազեկումը հիվանդության մասին եւ գումարի նվիրաբերումը կողմնային ամիոտրոֆիկ սկլերոզով տառապող մարդկանց համար: Ծիծաղելի է, որ Աֆրիկայում սովից մեռնող պետությունների քաղաքացիները տեսանյութերով են ողողել համացանցը: Պատկերացնենք, եթե ամեն մարդ 10 դոլար է փոխանցում ֆոնդին, որքան գումար վերջում կհավաքվի:
Ի դեպ, եթե դուք հրաժարվում եք սառույցով լոգանք ընդունել, ապա պարտավորվում ենք վճարել 100 դոլար: Ցնցող է այն, որ այդ գումարը ծախսվելու է աշխարհի ամենաապահովված երկրի քաղաքացիների վրա, ցնցող է, որ ոչ պաշտոնական տվյալներով՝ 40 տոկոս աղքատ բնակչություն ունեցող Հայաստանում հայերը հաճույքով մասնակցում են այդ կոմերցիոն ֆլեշ-մոբին: Իհարկե, գայթակղությունը մեծ է, չէ՞ որ այդ ակցիային մասնակցել են այնպիսի հայտնի դեմքեր, ինչպիսիք են Բիլ Գեյթսը, Շակիրան, Ջենիֆեր Լոպեսը, Ռոնալդոն, Ջոն Տրավոլտան, Լեդի Գագան եւ այլ հայտնի դեմքեր:
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
