ԱԺ-ում այս պահին կիսադատարկ դահլիճում ընթանում է Վերահսկիչ պալատի 2013-ի հաշվետվությունը:
Ինչպես տեղեկացրել ենք, ընդդիմության պատգամավորները պահանջում էին, որ հենց Իշխան Զաքարյանը ներկայացնի հաշվետվությունը, մինչդեռ նա, ինչպես բացատրեցին, գտնվում է արձակուրդում: Իշխան Զաքարյանի փոխարեն ԱԺ էր եկել ՎՊ խորհրդի անդամ Սեյրան Ավագյանը: Ի նշան բողոքի, երբ Գալուստ Սահակյանը ոչ մի կերպ տեղի չտվեց եւ չհետաձգեց հաշվետվության ներկայացումը, մինչեւ Իշխան Զաքարյանի արձակուրդը կավարտվեր, նրանք լքեցին ԱԺ նիստերի դահլիճը: Քննարկումն անցնում է միայն ՀՀԿ պատգամավորների եւ զեկուցողի մասնակցությամբ:
ՀՀԿ խմբակցության պատգամավոր Խոսրով Հարությունյանն իր ելույթում ասաց, որ ԱԺ-ի նկատմամբ հարգանքի նշան չէ, որ ՎՊ նախագահն անձամբ լինի ԱԺ-ում եւ ներկայացնի հաշվետվությունը. «Ընդհանուր առմամբ կիսում եմ ընդդիմության տեսակետը, որ լավ կլիներ Իշխան Զաքարյանը լիներ, բայց այս դեպքում, երբ ընդդիմությունը լքեց դահլիճը, դրանից տուժում է հաշվետվությունը»:
Ըստ նրա, Վերահսկիչ պալատը խախտումները վեր հանող կառույց է, ստուգող չէ. «Մեզ պակասում է վերլուծությունը, ուսումնասիրությունը, ստուգող մարմիններ շատ ունենք: ՎՊ-ի աշխատակիցների նկատմամբ մասնագիտական որակական նոր պահանջներ են պետք: Նրանք տարբերվում են հարկային տեսուչներից, նրանք պետք է վերլուծեն պրոցեսները, բյուջետային ծախսերի արդյունավետության խնդիրները, նրանք մի գլուխ բարձր են հարկային տեսուչներից»:
Կարդացեք նաև
Հռիփսիմե ՋԵԲԵՋՅԱՆ
