«Հիմնադիր խորհրդարանի» անդամ Գեւորգ Սաֆարյանին ոստիկանություն տանելուց առաջ տանը խուզարկություն են իրականացրել:
«Տունը խուզարկեցին, համակարգիչը տարան, որոշ նկարներ կային հարյուրամյակն առանց ռեժիմի լոգոյով, դրանք առգրավեցին, հետո ինձ տարան ոստիկանություն»,- Aravot.am-ին ասաց Գեւորգ Սաֆարյանը:
Նրա խոսքով, տարել են նաեւ եղբորը պատկանող սարք եւ ձայնասկավառակ` զենքերի հանրագիտարան. «Ինչ տարել են դեռ չեն վերադարձրել»:
Գեւորգ Սաֆարյանը հրաժարվեց պատմել բանտախցի պայմանների, այնտեղ իր նկատմամբ կիրառված ճնշումների մասին, ասաց՝ առաջիկա օրերին ասուլիս է լինելու, ամենայն մանրամասնությամբ կպատմի` որը որից հետո է եղել:
Կարդացեք նաև
Արփինե ՍԻՄՈՆՅԱՆ