Ռուսաստանի նախագահ Վլադիմիր Պուտինը՝ Հայաստանի նախագահ Սերժ Սարգսյանի հետ երեկ ունեցած հեռախոսազրույցի ընթացքում չի քննարկել Հայաստանի էլեկտրաէներգիայի սակագնի հարցը: Այս մասին, ըստ «TASS»-ի, լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը:
Նա հավելել է, որ էլեկտրաէներգիայի սակագնի Հայաստանի ներքին խնդիրն է. «Այն, իհարկե, չի կարող քննարկվել Ռուսաստանի Դաշնության հետ: Հեռախոսազրույցի ընթացքում հիմնականում քննարկվել են երկկողմ հարաբերությունները»:
«Ria»-ն է փոխանցել է, թե Պեսկովը նաեւ հայտարարել է, որ իր երկիրը Հայաստանին մաղթում է խաղաղություն, բարգավաճում եւ տարաձայնությունների շուտափույթ կարգավորում: «Մենք հույս ունենք, որ կգտնվեն բոլոր հարցերի պատասխանները, որոնք կհամապատասխանեն Հայաստանի օրենսդրությանը»:
Նա նշել է, որ Ռուսաստանը եւ Հայաստանը միշտ կունեն սերտ հարաբերություններ եւ շփումներ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
