Սիրիայի բոլոր ազգերի ու դաւանանքներին պատկանող նորմալ մարդկանց համար ընդունելի, իսկ դաիշականների՝ հակամարդկային այդ հրէշների համար՝ անընդունելի ալևի նախագահը՝ Բաշար Ասադը որոշում է ընդունել ռազմագործողութիւն սկսել՝ 21 միլիոնանոց Սիրիայի երկրորդ քաղաքը՝ 7 միլիոնանոց Հալեպը, ՛՛Իսլամական պետութեան՛՛ մարդակերներից ազատագրելու համար:
Սիրիական պետական 150-հազարանոց բանակին ու 1000-աւոր տանկերին կաջակցեն Ռուսաստանի Ռազմատիեզերական ուժերի՝ Սիրիա ժամանած 34 մարտական ինքնաթիռները, 16 ուղղաթիռները և Իրանից ու Լիբանանից ժամանած հազարաւոր իրանցի և արաբ շիայական կամաւորականներից բաղկացած հետևակային զօրաջոկատները:
Սպասւում են թեժ մարտեր:
Հայկական Սփիւռքի ՛՛սիրտը՛՛ ՝ Հալեպը, որի ոչնչացման համար ամէն ինչ անում էր և շարունակում է անել իսլամա-օսմանիստ նախագահ Ռեջեփ Թայիփ էրդողանի գլխաւորած 81-միլիոնանոց ՛՛ահեղատեսիլ՛՛, բայց ներքուստ փտած և ազգամիջեան ու դաւանաբանական հարցերից բզկտուող Թուրքիան, հաւանաբար, վերջապէս կազատագրուի:
Կարդացեք նաև
Սիրիայի պետական բանակի շարքերում շարունակում են խիզախօրէն մարտնչել Սիրիայի Արաբական Հանրապետութեան բազմահազար հայ քաղաքացիներ՝ սիրիական բանակի ամենաքաջարի զինուորներն ու սպաները:
Հայ զինծառայողների ու կամաւորական մարտիկների պաշտպանած դիրքերը չի կարողանում վերցնել ո՛չ մի դաիշական վարձու մարդասպան:
Կուզենայինք սպասել բարի լուրերի մեզ բարեկամ և փաստական դաշնակից Սիրիայից:
Նոր Օսմանեան թուրքական կայսրութեան ստեղծման՝ էրդողանի արիւնոտ պլանները դատապարտուած են կործանման:
Միաժամանակ, դա նոր դուռ կբացի Հայկական հարցի արդարացի լուծման համար՝ մի քայլ էլ մօտեցնելով մեզ դէպի Հայոց Դատի Արդար Լուծումը՝ Ազատ, Անկախ և Միացեալ Հայաստանի ստեղծումը…
Եւ ուրեմն՝ կեցցէ՛ պայքարող Սիրիան…
Մնացական Ռ. Խաչատրեան,
ռազմական պատմաբան,
14.10.2015թ.
