Ինչպես տեղեկացրել ենք, այսօր «Շիրակ հայրենակցական միավորում» հասարակական կազմակերպության 5-րդ համաժողովը բացեց Շիրակի թեմի առաջնորդ Միքայել եպիսկոպոս Աջապահյանը, որը խոսելով շիրակցիների ներուժի մասին ու նշելով, որ արվեստագետների, քանդակագործների, թատրոնի աշխատողների, գիտնականների, պետական գործիչների զգալի մասը շիրակցիներ են, դահլիճում նստածներին մաղթեց.«Աստված թող ձեր բոլոր աշխատանքներին հաջողություն տա, ձեր բոլոր բարի նպատակներին իրագործում շնորհի, եւ մեր Շիրակ աշխարհը ծաղկի եւ հպարտ լինի իր զավակներով եւ հպարտ լինի իր ձեռքբերումներով եւ հպարտ լինի իր բարգավաճ ժողովրդով»: «Բարգավաճ» բառն արտաբերելիս, Սրբազանը սկսեց հումոր անել՝ ասելով. «Բարգավաճ» ուրիշ իմաստով չեմ օգտագործում, վախենում ենք որոշ բառեր օգտագործել…»: Դահլիճում նստածները սկսեցին ծիծաղել:
Նունե ԱՐԵՎՇԱՏՅԱՆ
