Վրաստանի նախկին նախագահ, ներկայումս Օդեսայի նահանգապետ Միխայիլ Սահակաշվիլին դառնում է Ուկրաինայի քաղաքական դաշտի ամենակարեւոր խաղացողը: Այս մասին գրել է «Financial Times» թերթը:
Պարբերականը հարցումներ է անցկացրել Ուկրաինայում, որոնց արդյունքում պարզ է դարձել, որ Սահակաշվիլիի վարկանիշը 40% է: Եվ դա այն դեպքում, երբ Ուկրաինայի նախագահ Պյոտր Պորոշենկոյի վարկանիշը 20% է:
Հոդվածի հեղինակը գրում է, որ «բուլդոզեր» Սահակաշվիլին հաշվի չի նստում տեղի հեղինակությունների հետ եւ առաջ է շարժվում: Նա ցանկանում է սադրել իր մրցակիցներին, նրանց կոռուպցիայի մեջ մեղադրելով եւ հակամարտությունների մեջ մտնելով:
Ընտրողներից շատերը կարծում են, որ հենց Սահակաշվիլիի ինքնավստահությունը կօգնի նրան տեղի օլիգարխների դեմ պայքարում: Մյուսներն էլ այն կարծիքին են, որ հենց դա նրան կխանգարի Ուկրաինայի ղեկավարությունում բարձր պաշտոն զբաղեցնելու համար:
Կարդացեք նաև
Ուկրաինայի մի շարք բարձրաստիճան պաշտոնյաներ կարծում են, որ Սահակաշվիլին կարող է վարչապետ դառնալ, սակայն նրանք վախենում են, որ Սահակաշվիլիի տեղափոխությունը Կիեւ կարող է Ռուսաստանի նախագահ Վլադիմիր Պուտինի կտրուկ արձագանքի պատճառ դառնալ:
Հավելենք, որ Ուկրաինայի ներքին գործերի նախարար Արսեն Ավակովը դատի է տվել Միխայիլ Սահակաշվիլիին այն բանի համար, որ վերջինս իրեն մեղադրում էր կոռուպցիայի մեջ:
Պատրաստեց Աշոտ ԻՍՐԱԵԼՅԱՆԸ
