2016թ. հունվարին Ադրբեջանի Կետրոնական բանկի տրամադրության տակ գտնվող արժութային պահուստները նախորդ տարվա դեկտեմբերի համեմատ կրճատվել են 618.2 մլն դոլարով (12.3 տոկոս)՝ հասնելով 4398.5 մլն դոլարի: Այս մասին հաղորդում է ադրբեջանական Trend գործակալությունը:
Ադրբեջանի Կենտրոնական բանկի վիճակագրական տվյալների համաձայն՝ նախորդ տարվա սկզբից ԿԲ արժութային պահուստները կրճատվել են 9359.8 մլն դոլարով (68 տոկոս):
ԿԲ արժութային պահուստների ծավալի կրճատում սկսել է նկատվել 2014թ. հուլիսից: Եթե սկզբում այդ գործընթացը դանդաղ էր ընթանում (20-50 մլն դոլարի սահմաններում), ապա 2014թ. դեկտեմբերից տեղի ունեցավ ծավալների կտրուկ նվազում, ինչը կապված էր երկրում դոլարի մեծ պահանջարկի հետ:
Սակայն արդեն 2015թ. մայիս-հունիսին արժութային պահուստների աճը վերականգնվել է: Այսպես, մայիսին ԿԲ պահուստները ապրիլի համեմատ ավելացնել են 42.9 մլն դոլարով (0.51 տոկոս), իսկ հունիսին՝ 89.4 մլն (1.06 տոկոս):
Կարդացեք նաև
Նման աննշան աճից հետո դարձյալ ԿԲ արժութային պահուստները սկսել են կրճատվել՝ հուլիսին 18.7 մլն դոլարով, օգոստոսին՝ 1.19 մլն, սեպտեմբերին՝ 300.7 մլն, հոկտեմբերին՝ 180.1 մլն, նոյեմբերին՝ 589 մլն դոլարով:
Արժութային պահուստների կրճատումը, մասնավորապես կապված է արժութային շուկայում Ադրբեջանի Կենտրոնական բանկի կողմից իրականացվող ինտերվենցիայի հետ, որը նպատակ ունի կայուն պահել մանաթի փոխարժեքը դոլարի նկատմամբ:
Պատրաստեց՝ Վիկտորյա ԱՆԴՐԵԱՍՅԱՆԸ