Ռազմական նշանակության արտադրանք մատակարարելու, նորոգելու արդիականացնելու, շահագործման եւ տեխնիկական սպասարկում իրականացնելու, ռազմական նշանակության թույլատրված արտադրատեսակների արտադրություն կազմակերպելու նպատակով Հայաստանի եւ Չեխիայի կառավարությունները կհամագործակցեն:
Այս մասին տեղեկանում ենք կառավարության հինգշաբթի օրվա նիստի օրակարգից: Պաշտպանության նախարար Սեյրան Օհանյանը կառավարության նիստում վարչապետ Հովիկ Աբրահամյանին կհայտնի, որ կողմերը ռազմատեխնիկական համագործակցության նպատակով հայկական եւ չեխական ձեռնարկությունների, կազմակերպությունների ու հաստատությունների միջեւ պայմանագրեր կկնքեն: Նախատեսվում է նաեւ մասնագետների եւ տեխնիկական անձնակազմի` ուսումնական հաստատություններում վերապատրաստում`հաշվի առնելով կողմերի պահանջարկները եւ հնարավորությունները:
Լուսինե ԲՈՒԴԱՂՅԱՆ
