Հարավային Օսեթիան պատրաստ է քաղաքական օժանդակություն ցուցաբերել Լեռնային Ղարաբաղին, բայց անհրաժեշտություն չի համարում խոսել ռազմական օժանդակություն ցուցաբերելու մասին: Այս մասին այսօր հայտարարել է Հարավային Օսեթիայի նախագահ Լեոնիդ Թալիբովը: Գրում է Ria.ru-ն:
«Անհրաժեշտություն չկա այս կոնֆլիկտում ֆիզիկական մասնակցություն ունենալու, որպեսզի այլ ուժեր չներգրավվեն արդեն ոչ այդքան պարզ իրավիճակում: Մենք պետք է ուշադիր լինենք նման հարցերի նկատմամբ եւ պատասխանատվությամբ որոշումներ կայացնենք»,- ասել է Թալիբովը մամուլի ասուլիսի ժամանակ:
Իր խոսքով՝ Հարավային Օսեթիայում ուշադրությամբ հետեւում են Լեռնային Ղարաբաղում զարգացող իրադարձություններին եւ հույս ունեն, որ խնդիրը շուտով կլուծվի: «Մենք անհանգստանում ենք մեր ընկերների համար, հետեւում ենք տեղեկատվությանը, եւ հույս կա, որ միջազգային հանրությունը կմիջամտի եւ կլսեն երկրների ղեկավարների կոչերին՝ դադարեցնել ռազմական գործողությունները: Դա պետք է աշխատի եւ թույլ չտրվի, որ խնդիրը ավելի սրվի »,- նշել է Թալիբովը:
Նա ընդգծել է, որ Լեռնային Ղարաբաղի հետ Հարավային Օսեթիային կապում են վաղեմի բարեկամական կապերը:
