Երեւանի Սուրբ Գրիգոր Լուսավորիչ Մայր եկեղեցում այսօր Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի նախագահությամբ կատարվեց հոգեհանգստի կարգ` Արցախում զոհված զինծառայողների հոգու խաղաղության եւ փրկության համար: Հավատավորների բազմությունը միասնական աղոթք առաքեց առ Աստված` Հայաստանի եւ Արցախի խաղաղության համար:
Դիմելով ժողովրդին` Ամենայն Հայոց Կաթողիկոսն ասաց. «Ադրբեջանի կողմից այս օրերին սանձազերծված ռազմական գործողություններին մեր զինվորները դիմակայեցին անձնուրաց կերպով` ծանր մարտերում ետ մղելով հակառակորդին եւ պատճառելով զգալի կորուստներ: Թեպետ իրավիճակն Արցախի սահմաններին մնում է լարված, բայց հայրենյաց պաշտպան մեր զավակները շարունակում են արժանի հարված տալ հակառակորդին: Այսօր մեր հոգիները քաջալերել են` տեսնելով մեր բանակի մարտունակությունը, ազգիս զավակների խիզախությունը: Ադրբեջանի կողմից հրադադարի անընդմեջ խախտումները, դիվերսիոն գործողությունները վկայում եւ փաստում են, որ Ադրբեջանը ցանկանում է Ղարաբաղյան խնդիրը լուծել ռազմական ճանապարհով: Թշնամու սանձազերծած պատերազմական գործողությունների հիմնական զսպիչ ուժը մեր բանակի հզոր պաշտպանությունն է»:
Հավելենք, որ արարողությանը ներկա էր ՀՀ նախագահ Սերժ Սարգսյանը:
Կարդացեք նաև
Լուիզա ՍՈՒՔԻԱՍՅԱՆ