Ապրիլի 15-ին «Պոստ Սկրիպտում» մամուլի ակումբում աշխարահռչակ հեղինակավոր պարֆյումեր Ժաննա Գլադկովան խոսեց պարֆյումի ճիշտ օգտագործման կանոնների և գաղտնիքների մասին, անդրադարձավ բույրերի փիլիսոփայությանը:
«Օծանելիքն այն թաքնված զարդն է, որն ամենագեղեցիկն է զարդարում մարդուն», – լրագրողների հետ հանդիպման ժամանակ ասաց Ժաննա Գլադկովան:
Նշեց նաև, որ այն պետք է ցանել մարմնի այն հատվածներին, որոնք ավելի մոտ են մարդու քթին:
«Այն թյուր կարծիքը թե ֆերոմեն հորմոն պարունակող օծանելիքները ձգում են հակառակ սեռին՝ միանգամայն սխալ է»,-նշեց Ժաննա Գլադկովան:
Հավելեց նաև, որ յուրաքանչյուր մաշկ ունի իրեն հատուկ բույրը:
«Ի վերջո բույր ընտրելիս լսեք ձեր սրտին»,-իր խոսքն ավարտեց Ժաննա Գլադկովան:
Այս հանդիպումը Հայաստանում կազմակերպել էր «Ciel Parfum» ընկերությունը:
Նունե ԱՍԼԱՆՅԱՆ
