ՀՀ կենտրոնական զինվորական հոսպիտալի պետ, գնդապետ Արամ Ասատուրյանն ազատվել է պաշտոնից: Այս մասին ՊՆ նախաձեռնած ռազմական լրագրության դասընթացի շրջանակում լրագրողներին հայտնեց ՀՀ ԶՈՒ Ռազմաբժշկական վարչության պետ Կամավոր Խաչատրյանը:
Նրա փոխանցմամբ՝ Ասատուրյանը կադրերի ռեզերվում է. «Հոսպիտալի պետի մի քանի թեկնածուներ ունենք, քննարկումներն ընթանում են»:
Խաչատրյանի խոսքով՝ Ասատուրյանը ծառայողական անհրաժեշտությունից ելնելով է ազատվել պաշտոնից:
Լուիզա ՍՈՒՔԻԱՍՅԱՆ
