Լրահոս
Օրվա լրահոսը

«Որոշ լրատվամիջոցներ փորձեցին Հայկոյի անունը շատ հոլովել, որ youtube-ով մի քանի կոպեկ վաստակեն». Սպիտակցի Հայկոյի պրոդյուսեր

Փետրվար 19,2020 22:30

«Եթե Հայկոյի մեղավորությունը լիներ, բնականաբար, Հայկոյին առաջադրված մեղադրանքը կհաստատվեր. մանրամասն քննություն կատարվեց, ամեն ինչ ջրի երես դուրս եկավ: Հայկոն հայտնի էր, ու  որոշ լրատվամիջոցներ փորձեցին նրա անունը շատ հոլովել, որ youtube-ով մի քանի կոպեկ վաստակեն, բայց խաբեբայությամբ, անհիմն լուրեր տարածելով չպետք է զբաղվել»,- Aravot.am-ին ասաց Սպիտակցի Հայկոյի պրոդյուսեր Նորայր Ստեփանյանը՝ անդրադառնալով Հայկոյին առաջադրված մեղադրանքի կարճմանը:

Հիշեցնենք, որ Սպիտակցի Հայկոյին մեղադրանք էր առաջադրվել 2018թ. դեկտեմբերի 14-ին Խանջյան փողոցում տեղի ունեցած կրկնակի վրաերթի գործով: Քրեական գործով ձեռք բերված բավարար ապացույցների համակցությամբ՝ Հայկարամ Ղևոնդյանին մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով: Նրա նկատմամբ որպես խափանման միջոց էր կիրառվել ստորագրություն չհեռանալու մասին:

Մեր զրուցակցի խոսքով՝ տուժող կողմը բողոքարկել էր դատարանի որոշումը. «Մենք չխառնվեցինք, ամեն ինչ իր հունով գնաց ու Հայկոյի արդարությունը ապացուցվեց: Ոչ մի դրամ ֆինանսական փոխհատուցում Հայկոյի կողմից չի եղել, ինչի համար Հայկոն փոխհատուցում տար, եթե մեղավոր չէ»

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2020
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
242526272829