Հայտնի ռաբիս երգիչ Սպիտակցի Հայկոյի (Հայկարամ Ղեւոնդյան) մենեջեր Նորայր Ստեփանյանը պնդում է, որ 2018 թվականին Խանջյան փողոցում տեղի ունեցած վրաերթի դեպքով Հայկոն մեղավոր չէ:
Հիշեցնենք, որ այսօր Սպիտակցի Հայկոյին մեղադրանք է առաջադրվել 2018թ. դեկտեմբերի 14-ին Խանջյան փողոցում տեղի ունեցած կրկնակի վրաերթի գործով: Քրեական գործով ձեռք բերված բավարար ապացույցների համակցությամբ՝ Հայկարամ Ղևոնդյանին մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով: Նրա նկատմամբ որպես խափանման միջոց է կիրառվել ստորագրություն չհեռանալու մասին
«Բոլորը կարող են մեղադրանք առաջադրել, բայց այդ մեղադրանքը հաստատել է պետք: Մենք վստահ ենք, որ Հայկոն մեղավորություն չունի, գործընթաց պետք է տեղի ունենա, մենք սպասում ենք, որ այդ գործընթացն ավարտվի, որ ամեն ինչ հաստատվի, որ այս սուտ տեղեկատվությունը վերջանա, այս հարցով մեզ չանհանգստացնեն»,- Aravot.am-ի հետ զրույցում ասաց Նորայր Ստեփանյանը:
Ըստ նրա, Հայկոն ոչ թե վրաերթի է ենթարկել, այլ տուժողի կողքով պարզապես անցել է. «Չի կպել. մի մեքենա տուժողին խփել, 47 մետր թռցրել, գցել է, 4,5 րոպե հետո կողքով անցել է Հայկոն, հիմա ասում են, թե վրաերթ է եղել, բայց չի եղել նման բան: Տեսախցիկների ձայնագրությունները հանվել են, կան, ամբողջը կպարզվի, մեր ամբողջ ժողովուրդը կհասկանա, չի կարելի կարիերա ունեցող մարդու վրա շառ անել, ինչ է թե ճանաչված է»:
Կարդացեք նաև
Արփինե ՍԻՄՈՆՅԱՆ