Լրահոս
Օրվա լրահոսը

Ռուսական ռոմանսի երեկո նախագահական նստավայրում՝ նվիրված Մեծ հաղթանակի 75-ամյակին

Փետրվար 21,2020 21:52

Հանրապետության նախագահ Արմեն Սարգսյանի նախաձեռնությամբ անցկացվող «Նախագահական համերգաշար»-ի շրջանակում այսօր երեկոյան նախագահական նստավայրում տեղի է ունեցել ռուսական ռոմանսի երեկո՝ նվիրված Մեծ հաղթանակի 75-ամյակին:

Մեծ հաղթանակի 75-ամյակն, իսկապես, համամարդկային հոբելյան է: Այդ հաղթանակում մեծագույն ներդրում են ունեցել նախկին Խորհրդային Միության բոլոր ժողովուրդները. մեր ժողովրդի ավելի քան 600 հազար զավակներ մասնակցել են Մեծ Հայրենականին: Նրանցից ավելի քան 300 հազարն իրենց գլուխն են դրել հաղթանակի զոհասեղանին:

Երեկոն կազմակերպվել էր Հայաստանի Հանրապետության նախագահի աշխատակազմի և Երևանում գործող «Մոսկվայի տուն» մշակութային-գործարար կենտրոնի համագործակցությամբ: Երեկոյին ներկա են եղել ԱԺ պատգամավորներ, Հայաստանում Ռուսաստանի, Բելառուսի, Ղազախստանի, Թուրքմենստանի դեսպանները, մշակույթի գործիչներ, ՀՀ զինված ուժերի, ինչպես նաև Հայաստանում տեղակայված ՌԴ զինված ուժերի և սահմանապահ զորքի զինծառայողներ:

Նշվել է, որ երեկոն յուրատեսակ երաժշտական նվիրում է նրա՛նց, ովքեր ռազմի դաշտում, սերը սրտում և երգը շուրթին կռեցին հաղթանակն, ինչպես նաև նրա՛նց, ովքեր գտնվելով, աշխատելով թիկունքում, շարունակում էին սիրել, հուսալ ու սպասել՝… չմոռանալով երգել: Այն խոնարհում է Երկրորդ համաշխարհային պատերազմում զոհված մեր նախնիների հիշատակի առաջ և երախտագիտություն վետերաններին, ովքեր ոչ միայն վառ են պահում հաղթանակի հիշողությունը, այլև իրենց կենսափորձով ու անցած ուղով պատմության կենդանի դաս են մեզ համար:

Երեկոն վարել է ՌԴ արվեստի վաստակավոր գործիչ, ՌԴ վաստակավոր արտիստուհի, «Ռոմանսիադա» ռուսական ռոմանսների միջազգային մրցույթի հիմնադիր Գալինա Պրեոբրաժենսկայան: Երեկոյի ընթացքում ռուսական ռոմանսները հնչել են Ռուսաստանից ժամանած հայտնի արտիստներ Սերգեյ Աբաբկինի, Նատալյա Մանուլիկի, Դմիտրի Զուևի, Ալլա Պետրովայի կատարմամբ:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ՎԱՐՉՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2020
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
242526272829