ՀՀ վարչապետի տիկին Աննա Հակոբյանը տեղեկացնում է.
«Այսօր ՀՀ առողջապահության նախարարության հետ համատեղ կազմակերպված իրազեկման ակցիայի շրջանակներում Երևանի փողոցներով, խանութներով եմ շրջել և մարդկանց բաժանել ՀՀ առողջապահության նախարարության պատրաստած հուշաթերթիկները։ Համացանցում առկա մտահոգության վերաբերյալ տեղեկացնում եմ՝
Ես երկու անգամ Կորոնավիրուսի թեստ եմ անցել․ թեստը եղել է բացասական, հետևաբար, ես չէի կարող վարակի աղբյուր լինել։
Դիմակ չեմ կրել, քանի որ բացօթյա տարածքներում դիմակ կրելու անհրաժեշտություն չկա։
Կարդացեք նաև
Անցորդներից որևէ մեկին չեմ դիպել, գրկել․ պահպանել եմ սոցիալական հեռավորությունը։
Ձեռքերս անընդհատ ախտահանում եմ, այդ թվում այս ակցիայից առաջ էլ, ընթացքում էլ, հետո էլ։
Չունեմ և չեմ ունեցել հազ, ջերմություն և վիրուսի այլ ախտանշաններ։
Առողջ եղեք»։
Նշենք, որ ՀՀԿ փոխնախագահ Արմեն Աշոտյանն ավելի վաղ ֆեյսբուքյան իր էջում անդրադառնալով Աննա Հակոբյանի իրականացրած ակցիային՝ գրել էր.
«Խնդրում եմ Աննա Հակոբյանին կորոնավիրուսի կանխարգելման մասին բուկլետներ ՉԲԱԺԱՆԵԼ, այն էլ՝ առանց ձեռնոց:
Հիշեք, որ անգամ ԿԲ-ն է շրջանառությունից հանում հին թղթադրամները՝ վիրուսի տարածումը թղթե կրիչների միջոցով սահմանափակելու համար:
Շնորհակալություն:
Հ.Գ. Խնդրում եմ գրառմանս տակ այլ բաներ չգրել»:
Կարո՞ղ ա չգիտի, որ “թեստ անցնելը”, դա պատվաստում չի նշանակում։ Հուշել ա պետք։ Թե չէ, դե հիմա բաժանում ա, թող բաժանի․․․․