ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը տեղեկացրեց, որ Ռոբերտ Քոչարյանը գտնվում է հիվանդանոցում:
«Հայելի» ակումբում հրավիրված ասուլիսին լրագրողները հետաքրքրվեցին՝ հաշվի առնելով այն, որ ՀՀ նախկին վարչապետ Հրանտ Բագրատյանն առաջարկել է՝ կորոնավիրուսի կանխարգելման համար ազատ արձակել բոլոր կալանավորներին` բացառությամբ հայրենիքի դավաճանության, սպանության և մի քանի այլ ծանր հոդվածներով ազատազրկվածներին, ազատ արձակել բոլոր այն կալանավորներին, որոնք ՔԿՀ-ում են հայտնվել խափանման միջոցը նախնական կալանք ընտրելու` դատարանների որոշման արդյունքում, արդյոք իրենք այս ուղղությամբ քայլեր չե՞ն ձեռնարկում Ռոբերտ Քոչարյանի կալանքի հետ կապված, Հայկ Ալումյանը պատասխանեց. «Այս ուղղությամբ քայլեր ձեռնարկում ենք:
Հիմա Ռոբերտ Քոչարյանը գտնվում է հիվանդանոցում: Նրա հիվանդասենյակում անընդհատ գտնվում է քրեակատարողական ծառայող: Նորմալ վերաբերվում են մարդիկ, բայց խնդիր կա, որ իրենցից յուրաքանչյուրը կարող է լինել կորոնավիրուսի կրող՝ ինքն էլ չիմանալով այդ մասին, մանավանդ, որ այդ անձինք անընդհատ փոխվում են: Մանավանդ Ռոբերտ Քոչարյանը բավականին խնդրահարույց առողջական վիճակ ունի: Այդ երևույթն ինքն իրենով վտանգավոր է: Իհարկե, փորձելու ենք որոշ քայլեր ձեռնարկել»:
Հայկ Ալումյանն ասաց, որ այս առումով կարևոր է նաև ճշտել պաշտոնական մարմիններից, թե քրեակատարողական համակարգում քանի քրեակատարողական ծառայող է մինչև այսօր թեստավորվել կորոնավիրուսի համար, քանի կալանավոր, քանի ազատազրկված անձ:
Կարդացեք նաև
Տաթև ՀԱՐՈՒԹՅՈՒՆՅԱՆ
