«Հայաստանի Հանրապետությունում չկա այդպիսի պաշտոն Նիկոլ Փաշինյանի ընկալման մեջ, որը դարձել է այսօրվա պարետ կոչվածը»,- «Ստի վերջը» տեսաշարի հերթական թողարկման ընթացքում ասաց Սուրբ Աթոռում Հայաստանի Հանրապետության նախկին դեսպան Միքայել Մինասյանը։
Նա նշեց, որ պարետի պաշտոնը հորինված է․ «Հայաստանի Հանրապետության օրենքներով, ես փորձում եմ պարզ բացատրել, պարետը մի մարդ է, որը պետք է կոորդինացնի պարետատան աշխատանքները։ Եվ երբ գալիս են և սրճարան են փակում պարետի անունից, դա մոտավորապես նույնն է, երբ միջնադարում գալիս էին և ասում էին, որ ֆեոդալը որոշել է, որ այս սրճարանը չպետք է աշխատի։ Ի՞նչ օրենքով է դա արվում, բացարձակ պարզ չէ։ Չկա այդպիսի օրենք»։
Ըստ նրա, չկա ոչ մի նորմատիվ ակտ, որը ստիպում է մարդուն կրել դիմակ․ «Բացի դրանից, ոստիկանը, որը մարդուն տապալում է գետնին՝ դիմակը չկրելու պատճառով, չունի ոչ մի իրավասություն դա անելու։ Ավելին ասեմ՝ չկա իրավունք մարդկանց տուգանելու դիմակ չկրելու պատճառով, որովհետև հիմքում չկա ոչ մի օրենսդրական բազա դիմակի պատմության համար։ Որովհետև այս մարդիկ վերաբերվում են Հայաստանի Հանրապետությանը որպես սեփական դուքյանի»։
Կարդացեք նաև
Շղթաներից փախած ֆեոդալը. թալան՝ երկաթ արտահանելով
Gepostet von Mikayel Minasyan am Samstag, 13. Juni 2020
Ամի ՉԻՉԱԿՅԱՆ
