«Հայաստանի ռազմավարական նոր հայեցակարգի մշակմանը մասնակցել են այն ժամանակվա իշխանությունները: Մինչեւ մեզ՝ դա համաձայնեցված է եղել Արցախի իշխանությունների հետ»,- այսօր Արցախի խորհրդարանում, պատգամավորների հետ հանդիպման ժամանակ՝ պատասխանելով պատգամավորներից մեկի հարցին, ասաց ԱՀ անվտանգության խորհրդի քարտուղար Սամվել Բաբայանը:
«Բոլորն էլ ստորագրել են՝ անվտանգության խորհրդի քարտուղարը, մյուսները, այդ բոլոր արձանագրությունները կան: Մենք ընդամենը ողջունել ենք: Այն, ինչը Արցախին է վերաբերում՝ մենք կզբաղվենք եւ կներկայացնենք լայն քննարկման: Մենք դեռ դրանով չենք զբաղվում»,- ասաց Սամվել Բաբայանը:
Նելլի ԳՐԻԳՈՐՅԱՆ
