Հայաստանը չի դիմել ՀԱՊԿ քարտուղարությանը Լեռնային Ղարաբաղում հակամարտության սրացման կապակցությամբ։ Այս մասին հայտարարել է կազմակերպության մամուլի քարտուղար Վլադիմիր Զայնեթդինովը՝ հավելելով, որ ՀԱՊԿ-ը հավատարիմ է մնում հակամարտությունը խաղաղ ճանապարհով լուծելուն։
«Այս պահին ՀԱՊԿ քարտուղարությունում Հայաստանից դիմում չի ստացվել։ Մենք միշտ կողմ ենք եղել հակամարտության խաղաղ կարգավորմանը։ Լեռնային Ղարաբաղի հակամարտության կարգավորման միջազգայնորեն ճանաչված մեխանիզմը ԵԱՀԿ Մինսկի խումբն է»,- ասել է Զայնեթդինովը։
Պատրաստեց Վիկտորյա ԱՆԴՐԵԱՍՅԱՆԸ
