«Երբ Նիկոլ Փաշինյանը 2018 թվականին հայտարարում էր, որ կամ ինքը կլինի վարչապետ, կամ՝ Հայաստանը վարչապետ չի ունենա, անամոթաբար շանտաժի էր ենթարկում մի ողջ ժողովուրդ: Իսկ այսօր իրականում ձեզ ասում է՝ կամ ես կլինեմ վարչապետ, կամ՝ Հայաստանը չի լինի»,- այսօր Աջափնյակից մեկնարկած «Արժանապատվության երթի» ժամանակ հայտարարեց ՀՀ արդարադատության նախկին նախարար Արփինե Հովհաննիսյանը:
«Մենք այսօր հավաքվել ենք այստեղ, որպեսզի դավաճանին ասենք՝ Հայաստան լինելու է»,- ասաց տիկին Հովհաննիսյանը՝ հավելելով, որ Նիկոլ Փաշինյանն իշխանության մնալով՝ ամեն վայրկյան Հայաստանը մոտեցնում է ավելի մեծ անդունդի:
Քանի որ նոյեմբերի 9-ի գիշերը ստորագրված համաձայնությամբ նախատեսված որեւէ բան չկա, ՀՀ համապատասխան մարմինները պետք է քրեական գործ հարուցեն Նիկոլ Փաշինյանի նկատմամբ՝ պարզելու համար, թե ինչո՞ւ է հանձնում Կապանի հարակից տարածքները եւ գյուղերը:
«Ինչո՞ւ է թուրքը մեզ մինչեւ ժամը 5-ը ժամանակ տալիս, եթե դա գրված չէ այդ պայմանագրով, ի՞նչ դավաճանական ակտ է կատարվում: Ուզում եմ դիմել ՀՀ գլխավոր դատախազին՝ Արթուր, դու տղամարդ ես, դու ՀՀ քաղաքացի ես, օրինակարգի պաշտպանը պետք է լինես, առաջինը դու պետք է հետեւես այն պատվախնդիր դատախազներին, ովքեր լքում են համակարգը, որովհետեւ չեն ուզում ծառայել դավաճանին: Քո անմիջական պարտականությունն է՝ անհապաղ պարզել՝ ինչո՞ւ է նա թուրքին հանձնում Հայաստանը»:
Կարդացեք նաև
Նելլի ԳՐԻԳՈՐՅԱՆ
