Ղարաբաղյան պատերազմի ժամանակ Իրանական Ադրբեջանում կազմակերպված բողոքի ցույցերին մասնակցած քաղաքացիների դատավարությունը շարունակվում է: Թուրք ակտիվիստ Հուսեյն Մոհամմադիանին դատելու են երկու առանձին դատարանում ՝ Թավրիզում պրոադրբեջանական հանրահավաքի կապակցությամբ:
«Ամերիկայի Ձայն» -ի փոխանցմամբ, ակտիվիստը Թավրիզի հեղափոխական և քրեական դատարաններից երկու առանձին ծանուցում է ստացել:
Հեղափոխական դատարանում Մոհամմադիանին կդատեն «Իսլամական Հանրապետության կարգի դեմ քարոզչություն իրականացնելու» մեղադրանքով, իսկ Թավրիզի քրեական դատարանում ՝ «ընդհանուր կարգապահությունն ու կարգը խախտելու» մեղադրանքով:
Հոկտեմբերի 18-ին Թավրիզում հանրահավաքի մասնակիցները պրոադրբեջանական կարգախոսներ էին վանկարկում՝ «Ղարաբաղը մերն է, մերն է լինելու», «Հայաստանին աջակցելը հանցանք է, հանցագործություն» և «Թավրիզ, Բաքու, Անկարա, բարև Թուրանին»:
Կարդացեք նաև
Բողոք-ցույցի մասնակիցները նաև պահանջում էին փակել Իրանի և Հայաստանի Մեղրի-Նուրդուզ սահմանային դարպասը «Ե՛լ եղբայրս, զենքը գնում է Երևան, Ադրբեջանը կողք կողքի է, Նուրդուզը պետք է փակվի» կարգախոսով:
Հավաքի նախորդ օրը անվտանգության ուժերը բերման են ենթարկել Հուսեյն Մոհամմադիանին և բազմաթիվ այլ ակտիվիստների: Նրան, ինչպես ակտիվիստներ Ռասուլ Ռազավիին և Հուսեյն Ամիր-Հիջրիին, հետախուզության գործակալությունում հարցաքննել են շուրջ 10 օր, հետո տեղափոխել են Թավրիզի կենտրոնական բանտ: Երեք ակտիվիստներն էլ ազատ են արձակվել հոկտեմբերի 31-ին՝ 200 մլն թուման գրավի դիմաց:
Աննա ՄԽԻԹԱՐՅԱՆ
