«Մենք ունենք Ձեզ հետ վեճ: Մենք ցանկանում ենք, որ Դուք ենթարկվեք պատասխանատվության, քանի որ կատարել եք հանցագործություն: Անկողմնակալ դիտորդի տեսանկյունից դատավորի մոտ դատավարության մասնակցի վերաբերյալ բացասական վերաբերմունք կարող է առաջացնել բուն նրանց միջև վեճի առկայությունը»,- սահմանադրական կարգի ենթադրյալ տապալման գործով (Աննա Դանիբեկյան) դատական նիստին հայտարարեց Արմեն Գևորգյանի պաշտպան Էրիկ Ալեքսանյանը:
Հիշեցնենք՝ նա նախագահող դատավորին ինքնաբացարկի միջնորդություն է ներկայացրել:
Hearings of the RA Second President Robert Kocharyan’s case took place at the Court of General Jurisdiction of Shengavit Administrative District
Էրիկ Ալեքսանյանը պարզաբանեց՝ խոսքը Արմեն Գևորգյանի կնոջ՝ Թամարա Գևորգյանի կորոնավիրուսով վարակված լինելու մասին տեղեկությունը հրապարակավ հայտարարելու մասին է: Պաշտպանը հայտնեց՝ խնդրել է դատավորին՝ դռնբաց դատական քննության պայմաններում չհայտարարվի այդ մասին, քանի որ դա բժշկական գաղտնիք է: Մինչդեռ դատավորը հայտարարել է այդ մասին, սակայն նրա դեմ ոչ մի գործ չի հարուցվել:
Պաշտպանն այս առիթով ասաց. «Ինչպե՞ս է ստացվում, որ Ձեր քթի վիրահատության վերաբերյալ հրապարակված տեղեկության առումով հարուցվել է քրեական գործ բժշկական գաղտնիք հրապարակելու հիմքով, իսկ մեր դեպքում, երբ նույնպես խոսքը բժշկական գաղտնիքի մասին է, ոչ միայն գործ չի հարուցվել, այլև անգամ նյութեր չեն հարուցվել, որ պարզեն՝ Ձեր գործողություններում հանցագործության հատկանիշներ առկա՞ են, թե՞ ոչ»:
Կարդացեք նաև
Էրիկ Ալեքսանյանն Աննա Դանիբեկյանին հարցրեց՝ ինչո՞ւ են Ձեզ բոլոր պետական մարմինները պաշտպանում՝ ի դեմս ՀՔԾ-ին, դատախազությանը ու շարունակեց. «Ինչո՞ւ եք Դուք բացառություն: Ինչո՞ւ մյուս դատավորներին կարող են հարցաքննել, գործողություններ կատարել նրանց դեմ, Ձեզ՝ ոչ: Միգուցե դա պայմանավորված է նրանով, որ Դուք ինչպես դատախազության, այնպես դատական իշխանության կողմից ընտրվել եք՝ որպես սույն քրեական գործով անփոխարինելի դատավո՞ր: Ուզեք, թե չուզեք՝ Դուք կաշկանդված եք ՀՔԾ-ով, դատախազությունով: Դուք չեք կարող լինել անկողմնակալ այն անձի կամ անձանց նկատմամբ, որոնք ցանկանում են, որ Դուք ենթարկվեք քրեական պատասխանատվության»:
Տաթև ՀԱՐՈՒԹՅՈՒՆՅԱՆ
