ԱԺԲ մասնակից Հերմինե Մկրտչյանը Ազգային Ժողովրդավարական բեւեռի հրավիրած հանրահավաքին նշեց, որ ցավոտ խնդիրներից մեկը շուրջ 200 գերիների վիճակը եւ վերադարձն է: Նրա խոսքով, այդ թիվը մոտավոր է, որովհետեւ առայսօր գերիների ճշգրիտ թիվը հայտնի չէ:
«Ռուս-թուրքական եղբայրության համար, փաստորեն, քիչ էր պայմանավորված պատերազմի միջոցով Արցախը մեզանից խլելը եւ մեր հազարավոր զավակներին սպանելն ու վիրավորելը: Ռուսաստանը եւ անձամբ Վլադիմիր Պուտինը, որ իր իսկ խոստովանությամբ մեզ համար կապիտուլյացիոն նոյեմբերի 9-ի հայտարարության հեղինակն է, ոչ միայն մատը մատին չեն տալիս թեկուզ այդ հայտարարության համաձայն գերիներին վերադարձնելու համար, այլեւ ըստ էության աջակցում են Ադրբեջանի դաժան եւ անմարդկային քաղաքականությանը, որի նպատակն է գերիների հանգամանքն օգտագործել մեզ հավելյալ տառապանք պատճառելու, ինչպես նաեւ մեզանից լրացուցիչ զիջումներ կորզելու համար»,-նշեց Հերմինե Մկրտչյանը:
Նրա խոսքով. «Հիմնավոր կասկածի մակարդակով կարող ենք հաստատել, որ նոյեմբերի 9-ից հետո Խծաբերդի հատվածում ավելի քան 60 հայ զինծառայողների գերեվարումը հնարավոր չէր լինի առանց ռուսական խաղաղապահների դերակատարության»:
Կարդացեք նաև
ԱԺԲ մասնակիցն անդրադառնալով հայ գերիների խոշտանգմանը ադրբեջանցիների կողմից, ասաց, որ դա իրականացվում է Ռուսաստանի եւ Թուրքիայի աջակցությամբ եւ ոչ այլ ինչ է, քան ցեղասպանական քաղաքականություն:
Գոհար ՀԱԿՈԲՅԱՆ
