Օրերս Արարատի մարզում վիճաբանություն է տեղի ունեցել համայնքապետերից մեկի, պայմանագրային զինծառայողի եւ տեղացիներից մի քանիսի միջեւ։
Aravot.am-ի տեղեկություններով՝ Արարատի մարզի Գետազատ գյուղի տարածքում գտնվող «Սուրբ Դավիթ» եկեղեցու մոտակայքում համայնքապետ Գարեգին Հ․-ն, բնակիչներից Վարդան, Հովհաննես ու Կարո անվամբ անձինք վիճել են հողամասի ճանապարհը բացելու առնչությամբ։ Վերջիններս, ըստ զինվորի, վեճի ժամանակ հարվածել են իրեն ու իր բարեկամներից Արամ Ա․-ին։
Նրանք վնասվածքներ են ստացել։ Պայմանագրային զինծառայողը տեղափոխվել է հիվանդանոց, սակայն հրաժարվել բուժօգնությունից։
Լուիզա ՍՈՒՔԻԱՍՅԱՆ


















































