Այսօր՝ 12։00-ին, «Երկիր Ծիրանի» կուսակցության նախագահ, փաստաբան Զարուհի Փոստանջյանը հրավիրվել է Երևան քաղաքի քննչական վարչություն առերես հարցաքննության ոստիկանական համազգեստով այն անձանց հետ, որոնք 2021 թվականի սեպտեմբերի 21-ին Եռաբլուր զինվորական պանթեոնի մոտից, ապօրինի հրամանի ներքո բռնի ուժի գործադրմամբ ոստիկանական մեքենայով, բռնությամբ և հայհոյանքներով բերման են ենթարկել։
Առերես հարցաքննությանը Զարուհի Փոստանջյանը ներկայացել էր փաստաբանի հետ։ Զարուհի Փոստանջյանը և փաստաբանը պնդեցին, որպեսզի հարցաքննությունը տեսանկարահանվի և տեսաձայնագրվի։ Սակայն երկու ոստիկաններն էլ, որոնց իբրև թե Զարուհի Փոստանջյանը բռնության էր ենթարկել, և որի հետևանքով նրանք իբրև թե ստացել էին մարմնական վնասվածքներ, հրաժարվեցին իրենց ցուցմունքները պնդել տեսանկարահանման և տեսաձայնագրության ժամանակ։
Ըստ էության հեշտ չէ պնդել առերես կեղծիքը տեսանկարահանման և տեսաձայնագրության ժամանակ:
«Երկիր Ծիրանի» կուսակցություն
