Yerevan.today կայքի գլխավոր խմբագիր Սեւակ Հակոբյանը ֆեյսբուքի իր էջում գրել էր, որ Պռոշյան-Դեմիրճյան խաչմերուկում բախումների հետեւանքով տուժել է Yerevan.today-ի օպերատորը, վնասվել է նրա ոտքը, իսկ կառավարական ամառանոցների մոտ ցուցարարների և ոստիկանների միջեւ քաշքշուկի ժամանակ կորցրել են Yerevan.today կայքի ուղիղ եթերի սարքը: Ըստ խմբագրի, ոստիկանները օպերատորի ձեռքից խլել էին տեսախցիկի մոնոփոդը եւ դրանով ծեծել ցուցարարներին։
Aravot.am-ը Սեւակ Հակոբյանից հետաքրքրվեց ՝ոստիկանությունն արդյոք արձագանքե՞լ է, քանի որ իրենց փաստաբանների միջոցով պատրաստվում էին իրավական ընթացք տալ կատարվածին:
«Օպերատորի վնասվածքի հետ կապված առայժմ նորություն չկա, իսկ սարքի հետ կապված պատրաստակամություն են հայտնել գտնել եւ փոխանցել»,-ասաց Սեւակ Հակոբյանը:
Գոհար ՀԱԿՈԲՅԱՆ
