Երեկ՝ նոյեմբերի 8-ին, ժամը 22:40-ի սահմաններում, շտապ բուժօգնության մեքենայով Վանաձորի բժշկական կենտրոն են տեղափոխվել նույն ընտանիքի 2 երեխաներ:
1 տարեկան աղջիկը եւ 2.5 տարեկան տղայի մոտ ախտորոշվել է թունավորում՝ շմոլ գազից: Ընդունելու պահին աղջկա վիճակը գնահատվել է ծայրահեղ ծանր, տղայինը՝ միջին ծանրության:
Վանաձորի բժշկական կենտրոնի մամուլի ծառայությունից Aravot.am-ին տեղեկացրեցին, որ մարզի գլխավոր մանկաբույժ, մանկական անեսթեզիոլոգ-ռեանիմատոլոգ Իշխան Անտոնյանի կողմից կատարվել են անհրաժեշտ բժշկական միջամտություններ, փոքրիկների վիճակը բարելավվելու նպատակով: Կատարվել է թթվածնաբուժություն եւ սիմպտոմատիկ բուժում:
Այսօր երեխաները դուրս են գրվել հիվանդանոցից: Փոքրիկները թունավորվել են իրենց տանը:
Կարդացեք նաև
Տաթեւիկ ՂԱԶԱՐՅԱՆ
