«Ամերիկայի ձայն». Գերատեսչությունում նշել են, որ Ուկրաինան առերեսվում է այդ սպառնալիքին
Ռուսաստանի և Իրանի միջև աճող համագործակցությունը մտահոգիչ է և «լուրջ վտանգ» է ներկայացնում և կարող է հետևանքներ ունենալ ամբողջ աշխարհում, հայտարարել է ԱՄՆ պետքարտուղարությունը:
«Սա խորացող դաշինք է, որը ողջ աշխարհը պետք է դիտարկի որպես լուրջ սպառնալիք», – ասել է պետքարտուղարության խոսնակ Նեդ Փրայսը: «Իհարկե, Ուկրաինայի ժողովուրդը դա տեսնում է որպես լուրջ սպառնալիք։ Հենց նրանք էլ ամեն օր բախվում են այդ սպառնալիքին։ Բայց դա հարաբերություն է, որը կարող է ունենալ այնպիսի հետևանքներ, որոնք դուրս են գալիս որևէ մեկ երկրի սահմաններից»:
Փրայսը նշել է, որ ԱՄՆ-ն աշխատում է միջազգային հանրության հետ, այդ թվում՝ ՄԱԿ-ի միջոցով, Ռուսաստանի և Իրանի կողմից եկող սպառնալիքները չեղարկելու համար, ներառյալ իրանական զենքի վտանգավոր ներթափանցումը Ռուսաստան:
«Մենք կշարունակենք խստորեն կիրառել ԱՄՆ-ի բոլոր պատժամիջոցները ինչպես ռուսական, այնպես էլ իրանական զենքի առևտրի դեմ», – ասել է Փրայսը: «Մենք կդժվարացնենք Իրանի համար այդ զենքերի վաճառքը Ռուսաստանին։ Տարածաշրջանում մեր գործընկերների հետ մենք դիմակայելու ենք Իրանի կողմից բխող սպառնալիքին»։
«Ինչ վերաբերում է Ուկրաինային, մենք կշարունակենք նրանց տրամադրել անվտանգության աջակցություն, ներառյալ զենիթահրթիռային համակարգեր, որոնք անհրաժեշտ են իրանական արտադրության որոշ սպառազինություններից եկող սպառնալիքները չեզոքացնելու համար», – նշել է Փրայսը:
